Psa 125 | WSK | STEP | Kariimet Kari Biya ko nongomang ningi nunguning aso, mu Duruk Saion iwita sokel ago bagomonko. Duruk mu me yukurok ale kuwim bola pala me taukko, tom suen biya am sokel ago bagurukko.

Psalms 125

Kaem ko kariimet nunga bitarso se sokel ago bagasan ko den

1 Kariimet Kari Biya ko nongomang ningi nunguning aso, mu Duruk Saion iwita sokel ago bagomonko.

Duruk mu me yukurok ale kuwim bola pala me taukko, tom suen biya am sokel ago bagurukko.

2 Duruk mutingir Jerusalem taluru guruguman iwitata, Kari Biya ko kariimet nunga taluru gurugam bagoso, tom imi te se tom udagi te betelatala.

3 Kari memek alo mu kariimet diram nunga ali sor tom suen biya me bitarmonko.

Nuna uwutata betemon se kariimet diram nuna agotala kilek memek betemon bare ko.

4 O Kari Biya, ni kariimet ningo, nika kiring karo tusan, mu munan ningo la nungumik te bitarko.

5 Bare arikaya pelesan aking kilek memek te namasan, mu Kari Biya nuna se kari memek alo buta nunga karuk se aratomonko.

Kari Biya, ni balu se lila yawara Isrel kariimet nungate kapurukko!